ချဲလ်ဆီးက ဘာစီလိုနာကွင်းလယ်လူ ဖာမင် လိုပက်ဇ်ကို ခေါ်ယူဖို့ စိတ်ဝင်စားလာ

ချဲလ်ဆီးအသင်းဟာ ဘာစီလိုနာလူငယ်ကစားသမား ဖာမင် လိုပက်ဇ်ကို ခေါ်ယူဖို့ စိတ်ဝင်စားနေပြီး အပြောင်းအရွှေ့ဖြစ်နိုင်ခြေကို တွက်ချက်နေကြောင်း နာမည်ကြီးသတင်းထောက် ဒေးဗစ် အွန်းစတိုင်း (David Ornstein) ရဲ့ ဖော်ပြချက်အရ သိရပါတယ်။

အသက် ၂၂ နှစ်အရွယ် စပိန်ကွင်းလယ်တိုက်စစ်ကစားသမား လိုပက်ဇ်အတွက် ချဲလ်ဆီးက ယူရို သန်း ၅၀ တန်ဖိုးရှိတဲ့ ကမ်းလှမ်းမှုတစ်ခု ပြုလုပ်ထားကြောင်းကိုလည်း ကာတာလန်အခြေစိုက် Sport သတင်းဌာနက ဖော်ပြခဲ့ပါတယ်။

ဘာစီလိုနာအသင်းဟာ ဘဏ္ဍာရေးဆိုင်ရာ သင့်တင့်မျှတမှု (Financial Fair Play) စည်းမျဉ်းတွေကို ချိန်ညှိဖို့ လိုအပ်နေတာကြောင့် ချဲလ်ဆီးရဲ့ကမ်းလှမ်းမှုက သင့်တော်တဲ့ပမာဏဖြစ်ခဲ့ရင် အသေအချာစဉ်းစားသွားဖွယ်ရှိနေတယ်လို့ သတင်းများက ဖော်ပြနေကြပါတယ်။

#mercury#အားကစား#mercurynews#ချဲလ်ဆီး#ဘာစီလိုနာ#ferminlopez