Join Us : Telegram Icon Threads Icon
Latest Updates >>>
MENU

ဂါဇာတွင် အစ္စရေးလေကြောင်းတိုက်ခိုက်မှုကြောင့် သတင်းထောက်

ပါလက်စတိုင်း၊ဂါဇာကမ်းမြောင်ဒေသ၊သတဂါဇာတောင်ပိုင်းရှိ ဆေးရုံကို အစ္စရေးက လေကြောင်းတိုက်ခိုက်ခဲ့ပြီး အဲဒီ့တိုက်ခိုက်မှုအတွင်း သတင်းထောက်(၅)ဦးအပါအဝင် လူ(၂၀)ဦးသေဆုံးခဲ့တယ်လို့ AFP သတင်းဌာနရဲ့ သတင်းဖော်ပြချက်အရသိရပါတယ်။

“အခုထိ သေဆုံးစာရင်းက ၂၀ ဦးရှိပါတယ်။ သတင်းထောက် ငါးဦးနဲ့ အရပ်ဖက်ကာကွယ်ရေး က အဖွဲ့ဝင်တဦးလည်းပါဝင်ပါတယ်”လို့ အရပ်ဖက်ကာကွယ်ရေးအေဂျင်စီ ပြောရေးဆိုခွင့်ရှိသူ မာမွတ်ဘာ ဆယ်လ် (Mahmud Bassal) က ဂါဇာ ခန်းယူနွတ်စ်ရှိ နာဆာဆေးရုံ တိုက်ခိုက်ခံရ အပြီးမှာပြောပါတယ်။

တိုက်ခိုက်မှုကြောင့် သေဆုံးသွားတဲ့သတင်းထောက်တွေရဲ့ ရုပ်အလောင်းတွေကို ခန်းယူနွတ်စ် မှာပြုလုပ်တဲ့ ဈာပနအခမ်းအနားသို့ လူအုပ်ကြီးက သယ်ဆောင်လာကြတာကိုတွေ့ရပါတယ်။

ရိုက်တာ၊ အေပီနဲ့အယ်လ်ဂျာဇီးရားသတင်းဌာနတွေက သူတို့သတင်းထောက်တွေ သေဆုံးခဲ့ရတဲ့အတွက် ဝမ်းနည်းပူဆွေးခဲ့ကြတယ်လို့ဆိုပါတယ်။

ကာတာအခြေစိုက် အယ်လ်ဂျာဇီးရား ရုပ်သံသတင်းဌာန ပြောရေးဆိုခွင့်ရှိသူကမူ သူတို့ရဲ့ ဓာတ်ပုံ သတင်းထောက်နဲ့ကင်မရာသမား မိုဟာမက်ဆာလာမာ (Mohammad Salama) မှာ တိုက်ခိုက်မှုအတွင်း သေဆုံးသွားခဲ့တယ်လို့ တနင်္လာနေ့ကပြောခဲ့ပါတယ်။

အေပီ သတင်းဌာနကလည်း စစ်ပွဲစတင်ကတည်းက အလွတ်တန်းရုပ်သံသတင်းထောက် အဖြစ်လုပ်ကိုင်ပေးနေတဲ့အသက် ၃၃ နှစ် အရွယ်ရှိ မာရီယမ်ဒက်ဂါ (Mariam Dagga) သေဆုံးသွားရတာကို သိရှိရတဲ့အတွက် ‘တုန်လှုပ် ဝမ်းနည်းရပါကြောင်း’ ကြေညာချက် ထုတ်ပြန်ပြောကြားပါတယ်။

တိုက်ခိုက်မှုအတွင်း နောက်ထပ်ထိခိုက်ခဲ့သူ နှစ် ဦးမှာ မိုအက်ဇ်အဘူတာဟာ (Moaz Abu Taha)နဲ့ အာမက်အဘူအဇစ် (Ahmad Abu Aziz.) တို့ဖြစ်ကြောင်း ပါလက်စတိုင်း သတင်းထောက်များဆင်ဒီကိတ်ကပြောပါတယ်။

AFP သတင်းထောက်တွေရဲ့အဆိုအရ အဘူတာဟာ ကပါလက်စတိုင်းနဲ့နိုင်ငံတကာသတင်းဌာန အချို့ နဲ့အလုပ်လုပ်နေသူဖြစ်တယ်လို့ ဆိုပါတယ်။

အစ္စရေးနဲ့ဟားမားစ်အဖွဲ့တို့အကြားဖြစ်ပွားခဲ့သော နှစ် နှစ်နီးပါးကြာစစ်ပွဲအတွင်း သတင်းထောက် ၂၀၀ ခန့် သေဆုံးခဲ့ရတယ်လို့ မီဒီယာစောင့်ကြည့်ရေးအဖွဲ့တွေဖြစ်တဲ့ သတင်းသမားများကာကွယ်ရေးကော်မတီ နဲ့ နယ်စည်းမထားသတင်းထောက်များအဖွဲ့ တို့ကပြောကြားထာ#အစ္စရေး

မူရင်းဓါတ်ပုံ-AFP

#mercury#mercurynews#နိုင်ငံတကာသတင်း#ဂါဇာ#အစ္စရေး