စာနာတတ်ပြီးဟာသဥာဏ်ရွှင်သည့် ကမ္ဘာ့ သဘောအကောင်းဆုံးအမေရိကန်တရားသူကြီး ဖရန့်ကာပရီယိုကွယ်လွန်

ရုပ်သံလိုင်းတွေနဲ့ အွန်လိုင်းပေါ်မှာမကြာခဏတက်လာတဲ့ တရားစီရင်တဲ့ ဗီဒီယိုဖိုင်တွေမှာ တရားခွင်အတွင်း အမှုတွေကို စီရင်ဆုံးဖြတ်တဲ့အခါ စာနာညှာတာတတ်သူ၊ ဟာသဥာဏ်ရွှင်သူအဖြစ် နာမည်ကျော်တဲ့ အမေရိကန်တရားသူကြီး ဖရန့်ကာပရီယို အသက် ၈၈ နှစ်အရွယ်မှာ ကွယ်လွန်သွားပြီဖြစ်တယ်လို့ BBC သတင်းဌာနက ဖော်ပြထားပါတယ်။

သူ့ တရားခွင်က မြင်ကွင်းတွေကို Caught in Providence ဆိုတဲ့ အမည်နဲ့ ရုပ်သံက ထုတ်လွှင့်ခဲ့ပါတယ်။ အမှုကို စီရင်တဲ့အခါမှာ ရုံးရှေ့ကို တရားခံအဖြစ် ရောက်လာကြသူတွေရဲ့ ဘဝအခြေအနေတွေကိုပါ ထည့်သွင်းစဥ်းစားပေးတတ်သူ အဖြစ် သူ့ကို တွေ့ခဲ့ရတယ်လို့ ဆိုပါတယ်။

ဖရန့်ကာပရီယိုဟာ ပန်ကရိယကင်ဆာကို ခံစားနေခဲ့ရတာလို့ မိသားစုက ထုတ်ပြန်ထားပါတယ်။

#mercury#mercurynews#နိုင်ငံတကာသတင်း#တရားသူကြီး#ဖရန့်ကာပရီယို