တောင်ငူနည်းပညာတက္ကသိုလ်တွင် ကျောင်းသားနှစ်ဦး ဝရံတာမှ ပြုတ်ကျသေဆုံး

ပဲခူးတိုင်းဒေသကြီး၊ တောင်ငူနည်းပညာတက္ကသိုလ်မှာ စတုတ္ထနှစ်ကျောင်းသားနှစ်ဦးဟာ နှစ်ထပ်ဆောင် အပေါ်ထပ်ရဲ့ လှေကားအနီးရှိ ဝရံတာလက်ရန်းပေါ်သို့တက် ထိုင်မိရာကနေ ပြုတ်ကျသေဆုံး ဖြစ်ပွားခဲ့တယ်လို့ သိရပါတယ်။

ဩဂုတ်လ ၁၉ ရက် ည ၉ နာရီကျော်အချိန်ခန့်က တောင်ငူနည်းပညာတက္ကသိုလ်ရှိ ဘုရင့်နောင်အဆောင်မှာ နေထိုင်တဲ့ စတုတ္ထနှစ်ကျောင်းသားနှစ်ဦးဟာ အဆောင်အပေါ်ထပ် အတက်အဆင်း လှေကားထိပ် ဝရံတာအနီးမှာ ဆော့ကစားပြီး ဝရံတာ လက်ရန်းပေါ်သို့ တက်ထိုင်စဉ် ပြုတ်ကျခဲ့တာဖြစ်တယ်လို့ သိရပါတယ်။

ပြုတ်ကျသေဆုံးခဲ့တဲ့ ကျောင်းသား နှစ်ဦးစလုံးဟာ နှာခေါင်းသွေးထွက် ဦးခေါင်းဖူးယောင် ဒဏ်ရာများ ရရှိခဲ့ပြီး တောင်ငူပြည်သူ့ဆေးရုံကြီးသို့ ပို့ဆောင်ပြီး ဆေးကုသရင်း ရရှိထားသည့် ဒဏ်ရာများဖြင့် သေဆုံးသွားခဲ့တာဖြစ်ပါတယ်။

သေဆုံးသွားခဲ့တဲ့ ကျောင်းသားနှစ်ဦးစလုံးဟာ တောင်ငူနည်းပညာတက္ကသိုလ်မှာ Mechatronicမေဂျာ ဘာသာရပ်ကို သင်ယူနေကြသူများဖြစ်ပြီးသေဆုံးမှုနှင့်ပတ်သက်ပြီး ဓမ္မတာအတိုင်း သေဆုံးခြင်းဟုတ်၊ မဟုတ်ကို ဆက်လက်စစ်ဆေးနေဆဲဖြစ်ကြောင်းလည်း သိရပါတယ်။

ဓါတ်ပုံ-DBA

#mercury#mercurynews#ပြည်တွင်းသတင်း#မှုခင်း#တောင်ငူ