ထိုင်းဝန်ကြီးချုပ် ပေထုန်တန်ကို ဖွဲ့စည်းပုံအခြေခံဥပဒေခုံရုံးက ရာထူးမှ ဖယ်ရှား

၂၀၂၅၊ဩဂုတ်လ၊၂၉ရက်

ထိုင်းဝန်ကြီးချုပ် ပေထုန်တန် ရှင်နာဝတ်ထရာကို ဖွဲ့စည်းပုံအခြေခံဥပဒေခုံရုံးက ရာထူးကနေ အပြီးအပိုင်ဖယ်ရှားလိုက်ကြောင်း ဒီနေ့ ဆုံးဖြတ်ချက် ချလိုက်ပါတယ်။ ပြီးခဲ့တဲ့ ဇူလိုင် ၁ ရက်နေ့ကတည်းက ရာထူးမှ ယာယီဆိုင်းငံ့ထားကနေ အပြီးသတ်ဖယ်ရှားရန် ဆုံးဖြတ်ခဲ့တာ ဖြစ်ပါတယ်။

ဝန်ကြီးချုပ် ပေထုန်တန် ရာထူးကနေ ဖယ်ရှားခံရခြင်းဟာ ကမ္ဘောဒီးယားဝန်ကြီးချုပ်ဟောင်း ဟွန်ဆင်နဲ့ နယ်စပ်တင်းမာမှုဆိုင်ရာ ဖုန်းပြောဆိုမှုအသံဖိုင် ပေါက်ကြားခဲ့ခြင်းကြောင့်ဖြစ်ပြီး အဲ့အသံဖိုင်မှာ ဝန်ကြီးချုပ် ပေထုန်တန်ရဲ့ ပြောဆိုမှုများဟာ ကျင့်ဝတ်ကို ချိုးဖောက်ပြီး နိုင်ငံရဲ့သိက္ခာကို ထိခိုက်စေတယ်လို့ တရားရုံးက ဆုံးဖြတ်ခဲ့ပါတယ်။ဒါ့အပြင်သူမရဲ့ ပြောဆိုမှုများဟာ နိုင်ငံအခြေခံဥပဒေကို ချိုးဖောက်ခြင်းနဲ့ နိုင်ငံတော်လုံခြုံရေးကို ထိပါးခြင်းဖြစ်တယ်လို့လည်း ထိုင်းတရားရုံးက ဖော်ပြပါတယ်။

အခုဆုံးဖြတ်ချက်ကြောင့် ဝန်ကြီးချုပ်အသစ်တစ်ဦးကို ထပ်မံရွေးချယ်ရတော့မှာဖြစ်ပြီး၊ လက်ရှိထိုင်းအစိုးရအဖွဲ့တစ်ဖွဲ့လုံးလည်း အပြောင်းအလဲများ ပြုလုပ်ရဖွယ်ရှိကြောင်း ထိုင်းသတင်းဌာနများက ဖော်ပြထားပါတယ်။

#mercury#mercurynews#နိုင်ငံတကာသတင်း#ထိုင်း#အာဆီယံ