နေပြည်တော်၊ တပ်ကုန်းမြို့နယ်မှာ မိုးများပြီး ရေကြီးရေလျှံမှုဖြစ်ပွား

နေပြည်တော်၊ ဥတ္တရခရိုင်၊ တပ်ကုန်းမြို့နယ်မှာ ဒီကနေ့ မနက်ပိုင်းက မိုးသည်းထန်စွာရွာသွန်းမှုကြောင့် ကျေးရွာများမှာ ရေကြီးရေလျှံမှုများ ဖြစ်ပွားခဲ့ပြီး၊ မီးသတ်တပ်ဖွဲ့ဝင်များက ကယ်ဆယ်ရေးလုပ်ငန်းများ ဆောင်ရွက်ပေးနေကြောင်း သိရပါတယ်။

ဩဂုတ်လ ၂၇ ရက် နံနက် အစောပိုင်းကစတင်ကာ တပ်ကုန်းမြို့နယ်ရှိ ညောင်ပင်သာကျေးရွာ၊ ဗျိုင်းအင်းကျေးရွာနဲ့ အောင်ဇေယျဘုရားအနီးက နေအိမ်များကို ရေများဝင်ရောက်ခဲ့တာဖြစ်ပြီး ဥတ္တရခရိုင်မီးသတ်စခန်းနှင့် တပ်ကုန်းမြို့နယ်မီးသတ်စခန်းတို့က စက်လှေ ၄ စီးဖြင့် ရေဘေးသင့်ပြည်သူများကို ကူညီကယ်ဆယ်ခြင်းနဲ့ ဘေးလွတ်ရာသို့ ရွှေ့ပြောင်းပေးခြင်းလုပ်ငန်းများကို ဆောင်ရွက်လျက်ရှိကြောင်း သိရပါတယ်။

#mercury#mercurynews#ရေကြီး#နေပြည်တော်#မြန်မာ#ပြည်တွင်းသတင်း