ပုဂံပေါင်းကူးကုန်းရဲ့ သက်တမ်းစစ်ဆေးချက် C14 အဖြေအရ (၆)ရာစုနဲ့(၇)ရာစုကြားကာလ ၉၅% မှန်ကန်မှုရှိတယ်ဆိုတယ်

ပုဂံပေါင်းကူးကုန်းရဲ့ သက်တမ်းစစ်ဆေးချက် C14 အဖြေရရှိလာပြီဖြစ်ပြီး (၆)ရာစုနဲ့(၇)ရာစုကြားကာလ ၉၅% မှန်ကန်မှုရှိတယ်ဆိုတယ်လို့ ရှေးဟောင်းသုတေသနနှင့်အမျိုးသားပြတိုက်ဦးစီးဌာနရဲ့ တာဝန်ရှိသူ တစ်ဦး ရဲ့ဖော်ပြချက်အရသိရပါတယ်။

‘‘ဝမ်းသာစရာကောင်းတာက ပုဂံပေါင်းကူးကုန်း၏ C14 အဖြေ ၆ရာစုနဲ့၇ရာစုကြားကာလ ၉၅% မှန်ကန်မှုရှိတယ်ဆိုတဲ့အဖြေသစ် မနေ့တစ်နေ့က ထပ်မံရရှိခဲ့တာပါပဲ….’’လို့ ရှေးဟောင်းသုတေသ နနှင့်အမျိုးသားပြတိုက်ဦးစီးဌာနရဲ့ တာဝန်ရှိသူတစ်ဦးက သူရဲ့လူမှုကွန်ရက်စာမျက်နှာမှာ ရေးသားဖော်ပြထားပါတယ်။

အရင်နှစ်တွေက TL dating စမ်းသပ်ရာမှာ ၅ရာစု လို့အဖြေထွက်ထားခဲ့တာဖြစ်ပြီး TL စမ်းသပ်မှုမှာ အပူပေးထားတဲ့ အုတ်ချပ်ကိုအခြေခံစမ်းသပ်ရတာဖြစ်ပြီး အခု C14 စမ်းသပ်မှုကတော့ အဆောက်အဦရဲ့ ဗဟိုနေရာက သစ်သားစကိုစမ်းသပ်တာဖြစ်ပါတယ်။

ဒါကြောင့် ပုဂံခေတ်မတိုင်မီ ပျူခေတ်စေတီကြီးများပုဂံဒေသမှာရှိခဲ့ကြောင်းခိုင်မာတဲ့အထောက်အထား ကောင်းဖြစ်တယ်ဆိုတာ သတင်းကောင်းပါး ပါရစေလို့ ဖော်ပြထားပါတယ်။

ဒေသအခေါ်ပေါင်းကူးကုန်းက ဧရာဝတီမြစ်ကြီးရဲ့ ကမ်းနံဘေး မှာ နီးနီးကပ်ကပ်တည်ရှိနေပြီး ပေါင်းကူးကုန်းရဲ့နောက်ဆုံးကြွင်းကျန်ရစ်တဲ့ ပုံစံဟာ စက်ဝိုင်းပုံလို့ယူဆရနိုင်ပါတယ်။

သူရဲ့ အဆင့်ဆင့် ပြုလုပ်ထားတဲ့ပစ္စယံပုံစံဟာ အိန္ဒိယနိုင်ငံ၊ ဂါယာရှိ သုဇာတာနေအိမ်နေရာမှာတည်ထားတဲ့စေတီပန္နက်နဲ့ အတော်လေးဆင်တူနေတာကိုတွေ့ရပါတယ်၊ ဒါ့အပြင် ဗိဿနိုးကုန်းအမှတ် ၃ရဲ့ ပန္နက်ပုံစံ၊ သရေခေတ္တ ရာမြို့ဟောင်းမှာရှိတဲ့ ဘောဘောကြီးစေတီပန္နက်တို့နဲ့လည်းဆင်တူပါတယ်၊ အုတ်ချပ်အရွယ်အစားများ အနေနဲ့ အရွယ်အစား ၃မျိုးလောက်တွေ့ရှိရတယ်လို့ရှေးဟောင်းသုတေသနနှင့်အမျိုးသားပြတိုက်ဦးစီးဌာနမှ ဦးကျော်မျိုးဝင်းက ဖော်ပြထားပါတယ်။

photo မူရင်းဓါတ်ပုံ

#mercury#mercurynews#မြန်မာ#ပုဂံ#ပျူ#ပြည်တွင်းသတင်း