၂၀၂၅၊နိုဝင်ဘာလ၊၂၅ရက်
ပြင်ဦးလွင်မြို့နယ်၊ ညောင်နီကျေးရွာ၊ မြို့ရှောင်လမ်းမပေါ်မှာ ယနေ့ နိုဝင်ဘာလ ၂၅ ရက်နေ့၊ မွန်းလွဲ (၁) နာရီ (၅၆) မိနစ်ခန့်အချိန်က ယာဉ်တိမ်းမှောက်မှုတစ်ခု ဖြစ်ပွားခဲ့ကြောင်းသိရပါတယ်။
အခင်းဖြစ်ရာနေရာကို ပြင်ဦးလွင်မြို့နယ်မီးသတ်စခန်းက ရှာဖွေကယ်ဆယ်ရေးတပ်ဖွဲ့ဝင်များက သွားရောက် ကူညီကယ်ဆယ်ရေးလုပ်ငန်းများ ဆောင်ရွက်ခဲ့ပြီး ယာဉ်အတွင်း ညပ်နေတဲ့ အမျိုးသားတစ်ဦးကို ကယ်ထုတ်နိုင်ခဲ့ပါတယ်။
ယာဉ်တိမ်းမှောက်မှုကြောင့် အမျိုးသားတစ်ဦး ထိခိုက်ဒဏ်ရာ(မစိုးရိမ်ရ) ရရှိခဲ့ပြီး သန္တီသုခလူမှုကူညီရေးအသင်းရဲ့ ယာဉ်နဲ့ ပြင်ဦးလွင်မြို့နယ်ပြည်သူ့ဆေးရုံကို ပို့ဆောင်ပေးခဲ့ကြောင်း သိရပါတယ်။

