မိုးသည်းချိန် နေအိမ်များ၊ရုံးများအတွင်းသို့ မြွေဝင်ရောက်မှုများရှိလာ၍ သတိထားရန်လို

အခုရက်ပိုင်း မိုးရာသီ မိုးသည်းထန်ချိန်မှာ နေအိမ်တွေ၊ရုံးတွေထဲကို မြွေဝင်ရောက်မှုများရှိလာလို့ မြန်မာနိုင်ငံမီးသတ်တပ်ဖွဲ့က ဖမ်းဆီးဖယ်ရှားပေးနေရတယ်လို့ သိရပါတယ်။

သြဂုတ်လ(၂၆)ရက်မှာ နေပြည်တော်ရှိ စိုက်ပျိုးရေးနှင့်ဆည်မြောင်းဝန်ကြီးဌာန ရုံးအတွင်း မြွေတ်စ်ကောင်ဝင်ရောက် လို့မီးသတ်တပ်ဖွဲ့ဝင်တွေက ဖယ်ရှားပေးခဲ့ရပါတယ်။

သြဂုတ်လ(၂၇)ရက်မှာတော့ စစ်ကိုင်းတိုင်း၊မုံရွာ၊ဗိုလ်ချုပ်လမ်းရှိနေအိမ်ကို မြွေတစ်ကောင်ဝင်ရောက်နေလို့ ဖယ်ရှားပေးရပါတယ်။

သြဂုတ်လ(၂၇)ရက်မှာပဲ ကော့သောင်းမြို့၊မြပုလဲလမ်းရှိ နေအိမ်ကို မြွေတစ်ကောင်ဝင်ရောက်နေလို့ ဖယ်ရှားပေးရတယ်လို့ မြန်မာနိုင်ငံမီးသတ်တပ်ဖွဲ့က‌ဖော်ပြထားပါတယ်။

မိုးကာလမှာ မိုးကြီးရေလျှံချိန် တွင်းအောင်း မြွေသတ္တဝါတွေအနေနဲ့ နေအိမ်တွေရုံးခန်းတွေထဲဝင်ရောက်လာနိုင်တာမို့ သတိပြုနေထိုင်ကြဖို့နဲ့ မြွေဝင်ရောက်လာပါက မီးသတ်တပ်ဖွဲ့၊ လူမှုကူညီရေးအဖွဲ့တွေထံ အကူအညီတောင်းခံနိုင်တယ်လို့ သိရပါတယ်။

#mercury#mercurynews#မိုးရာသီ#မြွေ#မြန်မာ#ပြည်တွင်းသတင်း