မုန်တိုင်းအကြွင်းအကျန်ကြောင့် သြဂုတ်(၂၇)၊(၂၈)ရက်နေ့များထိမိုးသည်းထန်မည်

မုန်တိုင်းအကြွင်းအကျန် ဝင်ရောက်မှုကြောင့် သြဂုတ်(၂၇)၊(၂၈)ရက်တွေမှာ မိုးသည်းထန်ဖို့ရှိတယ်လို့ သိရပါတယ်။

ဩဂုတ်လ ၂၇ ရက်နေ့မှာ တိုင်ဖွန်းမုန်တိုင်းအကြွင်းအကျန်များ ရွေ့လျားဝင်ရောက်လာတာကြောင့် ရှမ်း အရှေ့/ရှမ်းတောင်နဲ့ မန္တလေးတိုင်း-ရှမ်းပြည်နယ်အစပ်က ဒေသတွေ မိုးများနိုင်တယ်လို့ မိုးလေဝသပညာရှင်ဦးဝင်းနိုင်ကခန့်မှန်းထားပါတယ်။

‘’တောင်ကြီး-ကလော-အောင်ပန်း တောက်လျှောက်မိုးများနိုင်ပါတယ်။ အင်းလေးရေတက်လာနိုင်ပါတယ်။မန္တလေးတိုင်းထဲက ရမည်းသင်း၊ ပျော်ဘွယ်၊ ရမည်းသင်း၊ မိတ္ထီလာ၊ သာစည်၊ ဟံဇား၊ ဝမ်းတွင်း၊ သဲတော ဒေသတွေ မိုးများနိုင်ပါတယ်။

၂၉ ရက်ကျော်ရင် နေပြန်ပွင့်ပြီးအားလုံးပြန်ကောင်းသွားပါလိမ့်မယ်”လို့ မိုးလေဝသပညာရှင်ဦးဝင်းနိုင် ရေးသားဖော်ပြထားပါတယ်။

ရှမ်းပြည်နယ်အရှေ့ပိုင်း၊ ရှမ်းပြည်နယ်တောင်ပိုင်း၊ မန္တလေးတိုင်းနဲ့ စစ်ကိုင်းတိုင်းတွေဘက်မှာပဲ မိုးများနိုင်ပြီး မိုးများတာနဲ့ အတူ ရေကြီးတာ၊မြေပြိုတာတွေဖြစ်ပေါ်နိုင်လို့ သတိထားဖို့လိုအပ်တယ်လို့ သိရပါတယ်။

#mercury#mercurynews#မြန်မာ#မိုးလေဝသ#ပြည်တွင်းသတင်း