မြန်မာနိုင်ငံကူးလက်မှတ်စာအုပ်ဖိုး စက်တင်ဘာလမှစ၍ ၄၅,၀၀၀ ကျပ်သို့ တိုးမြှင့်

နိုင်ငံကူးလက်မှတ်ပြုလုပ်ရန် စာအုပ်ဖိုးငွေကို လာမယ့် စက်တင်ဘာလ ၁ ရက်နေ့မှစတင်ပြီး ကျပ် ၅,၀၀၀ တိုးမြှင့်သတ်မှတ်သွားမှာ ဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးရုံးက ထုတ်ပြန်ကြေညာခဲ့ပါတယ်။
အရင်က နိုင်ငံကူးလက်မှတ်စာအုပ်ဖိုး ကျပ် ၄၀,၀၀၀ သတ်မှတ်ထားရှိရာမှ ယခုအခါ ကျပ် ၄၅,၀၀၀ အဖြစ် ပြောင်းလဲသတ်မှတ်လိုက်ခြင်းဖြစ်ပါတယ်။
“ပြည်တွင်းတွင် သာမန်မြန်မာနိုင်ငံကူးလက်မှတ်လျှောက်ထားလာမှုနှင့် ပတ်သက်၍ ၁-၉-၂၀၂၅ ရက်မှစ၍ စာအုပ်ဖိုးငွေ ကျပ် ၄၀,၀၀၀ မှ ကျပ် ၄၅,၀၀၀ သို့ ပြောင်းလဲသတ်မှတ်ဆောင်ရွက်သွားမည်ဖြစ်ပါကြောင်း” ဆိုပြီး မြန်မာနိုင်ငံကူးလက်မှတ်ထုတ်ပေးရေးရုံးရဲ့ လူမှုကွန်ရက်စာမျက်နှာမှာ အသိပေးဖော်ပြထားပါတယ်။