မြန်မာနိုင်ငံဘောလုံးအဖွဲ့ချုပ်နှင့် FIFA ပူးပေါင်း၍ အသက် ၁၄ နှစ်အောက် အမျိုးသား/အမျိုးသမီး ကစားသမား ရွေးချယ်ပွဲများ ကျင်းပမည်

မြန်မာနိုင်ငံဘောလုံးအဖွဲ့ချုပ် (MFF) နဲ့ ကမ္ဘာ့ဘောလုံးအဖွဲ့ချုပ် (FIFA) တို့ ပူးပေါင်းပြီး မြန်မာ့ဘောလုံးလောကအတွက် ရွက်ပုန်းသီးမျိုးဆက်သစ်များ ပေါ်ထွက်လာစေရန် ရည်ရွယ်ကာ လေ့ကျင့်ရေးစင်တာများ ဖွင့်လှစ်ဖြစ်သလို အသက် ၁၄ နှစ်အောက် အမျိုးသား/အမျိုးသမီး ကစားသမား ရွေးချယ်ပွဲများ ကျင်းပသွားမယ်လို့ သိရပါတယ်။

ဒေသအလိုက် လေ့ကျင့်ရေးစင်တာများကို မော်လမြိုင်၊ နေပြည်တော်၊ ကချင်၊ မန္တလေး၊ တောင်ကြီးနဲ့ ဧရာဝတီတို့တွင် စတင်ဖွင့်လှစ်သွားမှာဖြစ်ပြီး၊ အသက် ၁၄ နှစ်အောက် အမျိုးသား/အမျိုးသမီး ကစားသမားများကို လူရွေးချယ်ပွဲများ ကျင်းပကာ လေ့ကျင့်သင်ကြားပေးသွားမှာဖြစ်ကြောင်း မြန်မာနိုင်ငံဘောလုံးအဖွဲ့ချုပ် (MFF)က ထုတ်ပြန်ပါတယ်။

လူရွေးချယ်ပွဲများကို မော်လမြိုင်မြို့နယ်အားကစားကွင်းမှာ ဩဂုတ်လ ၃၁ ရက်မှ စက်တင်ဘာလ ၁ ရက်အထိ၊ နေပြည်တော်မှာ စက်တင်ဘာလ ၂ ရက်မှ ၃ ရက်အထိ၊ ကချင်ပြည်နယ်အားကစားကွင်းမှာ စက်တင်ဘာလ ၂ ရက်မှ ၃ ရက်အထိ၊ မန္တလေးမှာ စက်တင်ဘာလ ၅ ရက်မှ ၆ ရက်အထိ၊ တောင်ကြီးမှာ စက်တင်ဘာလ ၈ ရက်မှ ၉ ရက်အထိ၊ ဧရာဝတီမှာ စက်တင်ဘာလ ၁၃ ရက်မှ ၁၄ ရက်အထိ ကျင်းပသွားမယ်လို့ သိရပါတယ်။

ရွေးချယ်ပွဲသို့ လာရောက်လိုသူများအနေနဲ့ အသေးစိတ်အချက်အလက်များကို သတ်မှတ်ထားတဲ့ ဖုန်းနံပါတ်များဖြစ်တဲ့ ဧရာဝတီ- 09422588007၊ နေပြည်တော်- 09682777024၊ မန္တလေး- 0944084066၊ တောင်ကြီး- 09454639500၊ မော်လမြိုင်-09425271983၊ ကချင်- 09764320047 များထံသို့ ဆက်သွယ်မေးမြန်းနိုင်ကြောင်း သိရပါတယ်။

#mercury#mercurynews#မြန်မာ#အားကစား#အမျိုးသား#အမျိုးသမီး#လူရွေးပွဲ#FiFa