မြန်မာအိမ်နီးချင်း ကမ္ဘောဒီးယား-ထိုင်းက အပစ်ရပ်ရန် နှစ်နိုင်ငံစီစဉ်နေ

ကမ္ဘောဒီးယား-ထိုင်းက အပစ်ရပ်သဘောတူညီချက်ကို အကောင်အထည်ဖော်မယ်လို့ ကမ္ဘောဒီးယားကာကွယ်ရေး ဝန်ကြီးဌာနကထုတ်ပြန်ထားတယ်လို့ ဆင်ဟွာသတင်းဌာနက ဖော်ပြထားပါတယ်။

ကမ္ဘောဒီးယားနဲ့ ထိုင်း စစ်ဒေသတပ်မှူးတွေဟာ ဩဂုတ် ၂၂ ရက်မှာ နှစ်နိုင်ငံက လတ်တလော ရရှိထားတဲ့ အပစ်ရပ်သဘောတူညီချက်တွေ အကောင်အထည်ဖော်မယ့် ခိုင်မြဲသောကတိကဝတ်ကို ထပ်မံအလေးထား ပြောကြား ခဲ့ကြောင်း ကမ္ဘောဒီးယား ကာကွယ်ရေးဝန်ကြီးဌာနက ပြောကြားခဲ့ထားတယ်လို့ဆိုပါတယ်။

အဲဒီ့နေ့မှာပဲ ထိုင်းနိုင်ငံဘက်ကလည်း နှစ်ဖက်အနေဖြင့် ထိုမတိုင်မီ နှစ်နိုင်ငံ နယ်စပ်အထွေထွေကော်မတီ အစည်းအဝေးမှာ ရရှိထားတဲ့ သဘောတူညီချက် ၁၃ ရပ်အား အကောင်အထည်ဖော်ရန် တစ်ပြေးညီ သဘောတူညီခဲ့ကြောင်း ပြောကြားခဲ့ပါတယ်။　

ကမ္ဘောဒီးယား အမှတ် (၅) စစ်ဒေသနဲ့ ထိုင်းနိုင်ငံ အမှတ် (၁) စစ်ဒေသ တပ်မှူးတွေဟာ ဒီနေ့မှာ ထိုင်းနိုင်ငံ ဆာကယ်ဝ်ပြည်နယ်မှာ နှစ်နိုင်ငံ ဒေသနယ်စပ်ကော်မတီ (RBC) အထူးအစည်းအဝေး ကျင်းပခဲ့ပါတယ်။

နှစ်ဖက်က “အပစ်ရပ်မှုနဲ့ သဘောတူညီချက် ၁၃ ရပ်ကို အကောင်အထည်ဖော်ဖို့ ခိုင်မာစွာ ကြိုးပမ်းပြီး နှစ်ဖက်ဆက်ဆံရေးကို တစ်ဆင့်တိုးမြှင့်တင်ကာ နယ်စပ်ဒေသ ပုံမှန်အခြေအနေကို ပြန်လည်ဖော်ဆောင်သွားမယ်” လို့ ထပ်မံအလေးထား ပြောကြားခဲ့ကြောင်း ကမ္ဘောဒီးယား ကာကွယ်ရေးဝန်ကြီးဌာနရဲ့ သတင်းထုတ်ပြန်ချက်တွင် ဖော်ပြထားတယ်လို့ သိရပါတယ်။

#mercury #mercurynews #ကမ္ဘောဒီးယား #ထိုင်း #နိုင်ငံတကာသတင်း 

See less