မြန်မာ့ရွှေဈေး စံချိန်တင် တဟုန်ထိုးတက်ရာမှ အနည်းငယ်ပြန်ကျ

အခုရက်ပိုင်းမှာ မြန်မာ့ရွှေဈေးဟာ စံချိန်တင်တက်ခဲ့ပြီး ပြင်ပရွှေဈေးတစ်ကျပ်သားကို သိန်း(၈၀)အထိထိုးတက်ခဲ့ရာမှာ အနည်းငယ်ပြန်ကျလာတယ်လို့ သိရပါတယ်။

စက်တင်ဘာလ(၁၀)ရက်မနက်ပိုင်းနဲ့နေ့လည်တွေမှာ တစ်ကျပ်သားသိန်း(၈၀)အထိကို တက်သွားခဲ့တာဖြစ်ပြီး စက်တင်ဘာလ(၁၁)ရက်မှာတော့ တစ်ကျပ်သား (၇၉)သိန်း(၆)သောင်းဖြစ်လာခဲ့ပါတယ်။

မြန်မာ့ရွှေဈေးဟာ ပြင်ပဈေးတွေတက်လာပေမယ့် ရွှေရည်ညွှန်းဈေးကတော့ တစ်ကျပ်သား(၅၉)သိန်းဖြင့်ရောင်းဝယ်ဖို့ သတ်မှတ်ထားပြီး ရည်ညွှန်းဈေးဖြင့်သာ ရောင်းချဖို့ ရန်ကုန်တိုင်းရွှေလုပ်ငန်းရှင်များအသင်းမှ တိုက်တွန်းထားပါတယ်။

ကမ္ဘာ့ရွှေဈေးကတော့ အခုရက်ပိုင်းမှာအကျဘက်ရောက်လာပြီးမြန်မာ့ရွှေဈေးလည်း ပြန်ကျလာဖို့ရှိတယ်လို့ သိရပါတယ်။

#mercury#mercurynews#ရွှေဈေး#မြန်မာ#ပြည်တွင်းသတင်း