မြောင်းမြကြိုးတံတားထိပ်တွင် ယာဉ်တိုက်မှုဖြစ်ပွား၊ အမျိုးသား ၂ ဦး ထိခိုက်ဒဏ်ရာရ

၂၀၂၅၊နိုဝင်ဘာလ၊၁၇ရက်

ဧရာဝတီတိုင်းဒေသကြီး၊ မြောင်းမြမြို့နယ်၊ မြရတနာရပ်ကွက်၊ ရန်ကုန်-ပုသိမ်ကားလမ်းမကြီး၊ မိုင်တိုင်အမှတ် (၄၆/၀) နှင့် (၄၆/၁) ကြားရှိ မြောင်းမြကြိုးတံတားထိပ်မှာ နိုဝင်ဘာလ ၁၆ ရက်နေ့ ည ၈ နာရီ ၁၅ မိနစ်ခန့်က ယာဉ်တိုက်မှုတစ်ခု ဖြစ်ပွားခဲ့တယ်လို့ သိရပါတယ်။

ယာဉ်တိုက်မှုဖြစ်ပွားရာနေရာကို မြောင်းမြမြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီး၊ မီးသတ်ရေသယ်ယာဉ် (၁) စီးတို့နှင့်အတူ သန္ဓေနှင့် အရန်မီးသတ်တပ်ဖွဲ့ဝင်များ သွားရောက် ကူညီကယ်ဆယ်ရေးလုပ်ငန်းများ ဆောင်ရွက်ခဲ့တယ်လို့ သိရပါတယ်။

ယာဉ်တိုက်မှုကြောင့် ယာဉ်ပေါ်ပါလာသူ အမျိုးသား (၂) ဦး ထိခိုက်ဒဏ်ရာများ(မစိုးရိမ်ရ) ရရှိခဲ့ပြီး ရွှေမြောင်းမြ လူမှုကူညီရေးအသင်းနဲ့ အေးမြဖြူစင် လူမှုကူညီရေးအသင်းတို့ရဲ့ လူနာတင်ယာဉ်တွေနဲ့ မြောင်းမြပြည်သူ့ဆေးရုံကြီးကို ပို့ဆောင်ပေးခဲ့ကြောင်း မီးသတ်ဦးစီးဌာနက ထုတ်ပြန်ထားပါတယ်။

#mercury#mercurynews#မြန်မာ#ယာဉ်တိုက်မှု#ပြည်တွင်းသတင်း