မှော်ဘီမြို့နယ်တွင် ယာဉ်တိုက်မှုဖြစ်ပွား၊ ယာဉ်မောင်းတစ်ဦး ပြင်းထန်ဒဏ်ရာများဖြင့် ဆေးရုံတင်ထားရ

၂၀၂၅၊နိုဝင်ဘာလ၊၁၅ရက်

ရန်ကုန်တိုင်းဒေသကြီး၊ မှော်ဘီမြို့နယ်၊ အင်းလျက်ကျေးရွာအုပ်စု၊ ကျောက်ပုန်းကျေးရွာ၊ အမှတ် (၄) လမ်းမပေါ်မှာ နိုဝင်ဘာလ ၁၄ ရက်နေ့ ည ၇ နာရီ ၄၃ မိနစ်ခန့်က ယာဉ်တိုက်မှုတစ်ခု ဖြစ်ပွားခဲ့တယ်လို့ သိရပါတယ်။

ယာဉ်တိုက်မှုမှာ ယာဉ်မောင်းတစ်ဦး ယာဉ်အတွင်း ပိတ်မိညပ်နေတာကြောင့်မှော်ဘီမြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီးနှင့် သန္ဓေမီးသတ်တပ်ဖွဲ့ဝင်များက ကယ်ဆယ်ရေးလုပ်ငန်း ဆောင်ရွက်ခဲ့ကြပါတယ်။

ည ၇ နာရီ ၅၉ မိနစ်အချိန်တွင် ကယ်ဆယ်ရေးလုပ်ငန်းများ အောင်မြင်စွာ ဆောင်ရွက်ပြီးစီးခဲ့ပြီး၊ ယာဉ်တိုက်မှုကြောင့် ထိခိုက်ဒဏ်ရာ (စိုးရိမ်ရ) ရရှိခဲ့တဲ့ ယာဉ်မောင်း အမျိုးသား (၁) ဦးကို အင်းလျက်ကျေးရွာအခြေစိုက် သုခလူမှုကူညီရေးအသင်း လူနာတင်ယာဉ်နဲ့ မှော်ဘီမြို့နယ် ပြည်သူ့ဆေးရုံကြီးကို ပို့ဆောင်ပေးခဲ့တယ်လို့ သိရပါတယ်။