ရှမ်းပြည်နယ်၊ အောင်ပန်းမြို့နယ်မှာ ယာဉ်တိုက်မှုဖြစ်ပွား၊၃ ဦး သေဆုံး

၂၀၂၅၊နိုဝင်ဘာလ၊၂၉ရက်

ရှမ်းပြည်နယ်၊ ကလောမြို့နယ်၊ အောင်ပန်းမြို့အနီး ပြည်ထောင်စုလမ်းမကြီးပေါ်မှာ မနေ့ ညနေပိုင်းက ယာဉ်တိုက်မှုတစ်ခု ဖြစ်ပွားခဲ့ပြီး ယာဉ်ပေါ်ပါလာသူ အမျိုးသားလေးဦးအနက် သုံးဦး အသက်ဆုံးရှုံးခဲ့ကြောင်း သိရပါတယ်။

နိုဝင်ဘာလ ၂၈ ရက်နေ့၊ ညနေ (၆) နာရီ (၄၀) မိနစ်ခန့်အချိန်က တောင်ကြီးဘက်မှ ကလောကို မောင်းနှင်လာတဲ့ TOYOTA MARK X အမျိုးအစား (ခဲရောင်) (၄) ဘီးယာဉ်ဟာ ပြည်ထောင်စုလမ်းမကြီး၊ မိုင်တိုင်အမှတ် (၇၉/၅) နှင့် (၇၉/၆) ကြားမှာ ရပ်နားထားတဲ့ DUMP TRUCK အမျိုးအစား (အဖြူရောင်) (၆) ဘီးယာဉ်ကို အရှိန်မထိန်းနိုင်ဘဲ နောက်မှနေ ဝင်ရောက်တိုက်မိခဲ့ခြင်းဖြစ်ပါတယ်။

ယာဉ်တိုက်မှုဖြစ်ပွားရာ နေရာကို အောင်ပန်းနယ်မြေမီးသတ်စခန်းက မီးငြှိမ်းသတ်ယာဉ် (၁) စီးနှင့်အတူ သန္ဓေ၊ အရန်မီးသတ်တပ်ဖွဲ့ဝင်များ သွားရောက်ကာ ကယ်ဆယ်ရေးလုပ်ငန်းများ ဆောင်ရွက်ခဲ့ကြပါတယ်။

ယာဉ်တိုက်မှုကြောင့် TOYOTA MARK X ယာဉ်ပေါ်ပါလာသူ အမျိုးသား (၄) ဦးအနက် အမျိုးသား (၃) ဦး သည် အသက်ဆုံးရှုံးခဲ့ပြီး၊ ကျန် အမျိုးသား (၁) ဦး မှာ ထိခိုက်ဒဏ်ရာ (မစိုးရိမ်ရ) ရရှိခဲ့ကာ သေဆုံး/ဒဏ်ရာရရှိသူများကိုအောင်ပန်းမြို့နာရေးကူညီမှုအသင်းနှင့်

မဟာလူမှုကယ်ဆယ်ရေးအသင်းပိုင် လူနာတင်ယာဉ်တွေနဲ့ အောင်ပန်းမြို့နယ် ပြည်သူ့ဆေးရုံကို ပို့ဆောင်ပေးခဲ့တယ်လို့ သိရပါတယ်။

#mercury#mercurynews#ရှမ်းပြည်နယ်#အောင်ပန်း#ယာဉ်တိုက်မှု#ပြည်တွင်းသတင်း