ရှားပါးပန်ဒါနီလေးများ ရန်ကုန်တိရစ္ဆာန်ဥယျာဉ်သို့ရောက်ရှိလာ

မျိုးသုဥ်းဖို့အန္တရာယ်ရှိပြီး အဖိုးတန်ရှားပါးလှတဲ့ အလွန်ချစ်စဖွယ်ပန်ဒါနီလေးတွေ တိရစ္ဆာန်ဥယျာဥ် (ရန်ကုန်)သို့ ရောက်ရှိလာတော့မယ်လို့ သိရပါတယ်။

အခု ရောက်ရှိလာမယ့် ပန်ဒါနီလေးတွေကတော့ ကချင်ပြည် နယ် ၊ ကန်ပိုက်တီးမြို့ ( တရုတ်ပြည်နယ်စပ် အနီး) မှ တစ်ဆင့် မြစ်ကြီးနားမြို့သို့ ရောက်ရှိခဲ့လာခဲ့ပါတယ်။

အဲဒီ့ကမှ တစ်ဆင့်အပြည်ပြည်ဆိုင်ရာမြန်မာ့လေကြောင်း ( MAI ) ခရီးစဉ်အမှတ် (8M-627) ရဲ့ ကူညီပံ့ပိုးမှုဖြင့် မြစ်ကြီးနားမြို့မှ ရန်ကုန်မြို့သို့ တိရစ္ဆာန်ဆေးကုဆရာဝန်နဲ့ ကြီးကြပ်သူတွေ အဆင့်ဆင့်ပါဝင်ကာ ဂရုတစိုက်ဖြင့် သယ်ဆောင်လာနေပြီဖြစ်ပြီး သြဂုတ်လ( ၃၀)ရက် မှာ တိရစ္ဆာန်ဥယျာဥ် (ရန်ကုန်) သို့ ရောက်ရှိလာတော့မှာဖြစ်ပါတယ်။

အခုရောက်ရှိလာမယ့်ပန်ဒါနီလေးတွေဟာ သဘာဝတောအတွင်းမှာ အကောင်ရေ (၁၀,၀၀၀) အောက် လျော့နည်းနေပြီဖြစ်တဲ့ မျိုးသုဥ်းဖို့ အန္တရာယ်ရှိတဲ့ ရှားပါးမျိုးစိတ် တွေဖြစ်တယ်လို့ သိရပါတယ်။

#Mercury#mercurynews#ပြည်တွင်းသတင်း#မြန်မာ#ပန်ဒါနီ#YangonZoo