အမေရိကန်နှင့် တောင်ကိုရီးယားတို့ ကုန်သွယ်ရေး သဘောတူညီချက်အသစ် ရရှိ၊ ဘီလျံ ၃၅၀ ရင်းနှီးမြှုပ်နှံမှု အပါအဝင် အခွန်နှုန်းထား လျှော့ချရန် သဘောတူ

၂၀၂၅၊အောက်တိုဘာလ၊၃၀ရက်

တောင်ကိုရီးယားသမ္မတ လီ ဂျေမြောင်နဲ့ အမေရိကန်သမ္မတ ဒေါ်နယ်လ် ထရမ့်တို့ ခေါင်းဆောင်နှစ်ဦးရဲ့ မနေ့က ဆွေးနွေးပွဲများအပြီးမှာ အမေရိကန်နှင့် တောင်ကိုရီးယား နှစ်နိုင်ငံအကြား ကုန်သွယ်ရေး သဘောတူညီချက်တစ်ရပ် ရရှိခဲ့ကြောင်း ကြေညာလိုက်ပါတယ်။

တောင်ကိုရီးယားသမ္မတရဲ့ အကြံပေး Kim Yong-beomရဲ့ ပြောကြားချက်အရ အဓိက သဘောတူညီချက်တွေမှာ နှစ်နိုင်ငံလုံးက ယခင်နှစ်အစောပိုင်းက သဘောတူခဲ့တဲ့အတိုင်း အပြန်အလှန် အခွန်နှုန်းထားများကို ၂၅% မှ ၁၅% သို့ လျှော့ချမှာတွေ ပါဝင်သလို တောင်ကိုရီးယားနိုင်ငံအနေနဲ့ အမေရိကန်ဒေါ်လာ ၃၅၀ ဘီလီယံ ရင်းနှီးမြှုပ်နှံသွားမယ့် ကိစ္စတွေပါဝင်နေပါတယ်။

တောင်ကိုရီးယားနိုင်ငံရဲ့ ရင်းနှီးမြှုပ်နှံမယ့် ကိစ္စတွေမှာ ငွေသားရင်းနှီးမြှုပ်နှံမှု ဒေါ်လာ ၂၀၀ ဘီလီယံနှင့် သင်္ဘောတည်ဆောက်ရေးလုပ်ငန်းအတွက် ဒေါ်လာ ၁၅၀ ဘီလီယံ ပါဝင်မယ်လို့ ကနဦးသိရပါတယ်။

အမေရိကန်သမ္မတထရမ့်ဟာ ဒီနေ့ အောက်တိုဘာ ၃၀ရက်နေ့မှာ APEC (အာရှ-ပစိဖိတ် စီးပွားရေး ပူးပေါင်းဆောင်ရွက်ရေး) ထိပ်သီးအစည်းအဝေးကို လာရောက်မယ့် တရုတ်သမ္မတ ရှီ ကျင့်ဖျင်နဲ့ သီးခြားတွေ့ဆုံရန်လည်း စီစဉ်ထားကြောင်း သိရပါတယ်။

#mercury#mercurynews#တောင်ကိုရီးယား#အမေရိကန်#ကုန်သွယ်ရေး#နိုင်ငံတကာသတင်း