အာဆင်နယ်က လေဗာကူဆင် နောက်ခံလူ အင်ကာပီယေကို ခေါ်ယူဖို့ သဘောတူညီမှုရ

အာဆင်နယ်အသင်းဟာ ဘိုင်ယန်လေဗာကူဆင်နောက်ခံလူ ပီယေရို အင်ကာပီယေကို ခေါ်ယူဖို့ အပြီးသတ်သဘောတူညီမှုရရှိခဲ့ပြီဖြစ်ကြောင်း ခိုင်မာတဲ့ သတင်းဌာနတွေက ဖော်ပြပါတယ်။

ပီယေရို အင်ကာပီယေက ယခုရာသီမှာ အငှားနဲ့ အာဆင်နယ်ဆီပြောင်းရွေ့ကစားမှာဖြစ်ပြီး လာမယ့်ရာသီမှာ အပြီးသတ်ဝယ်ယူခွင့်လည်း စာချုပ်မှာ ပါဝင်တယ်လို့ သိရပါတယ်။

သဘောတူညီထားတဲ့ ပြောင်းရွှေ့ကြေးဟာ ယူရို ၅၂ သန်းဖြစ်ပြီး အငှားအတွက် ယူရို ၆ သန်းနဲ့ အပြီးသတ်ဝယ်ယူမှုအတွက် ယူရို ၄၆ သန်း ပေးချေသွားမှာဖြစ်ပါတယ်။ ဒါ့အပြင် အနာဂတ်မှာ အာဆင်နယ်က ကစားသမားကို အခြားအသင်းဆီ ပြန်လည်ရောင်းချပါက ရောင်းရငွေရဲ့ ၁၀% ကို လေဗာကူဆင်အသင်းက ပြန်လည်ရရှိမယ့်အချက်လည်း ပါဝင်ပါတယ်။

အင်ကာပီယေဟာ မကြာခင်ရက်ပိုင်းအတွင်း အာဆင်နယ်အသင်းမှာ ဆေးစစ်မှုခံယူတော့မှာဖြစ်ပြီး အပြောင်းအရွှေ့ကို တရားဝင်ကြေညာဖို့သာ ကျန်ရှိပါတော့တယ်။

#mercury#mercurynews#အာဆင်နယ်#အပြောင်းအရွေ့#အင်ကာပီယေ