အိန္ဒိယမှ ပုဂံဘုရား(၁၁)ဆူထိန်းသိမ်းပြီးနောက် ပုဂံဘုရား(၅၀)ဆူကိုထပ်မံပြုပြင်ထိန်းသိမ်းပေးမည်

အိန္ဒိယနိုင်ငံမှ ငလျင်ကြောင့်ထိခိုက်ပျက်စီးခဲ့ရတဲ့ ပုဂံဘုရား(၁၁)ဆူကို ရှေးမူမပျက်ပြုပြင် ထိန်းသိမ်းပေးပြီးနောက် ပုဂံဘုရား(၅၀)ဆူကို ထပ်မံပြုပြင်ထိန်း သိမ်းပေးဖို့ရှိတယ်လို့ မြန်မာနိုင်ငံ ဆိုင်ရာအိန္ဒိယသံရုံးရဲ့ ထုတ်ပြန်ချက် အရသိရပါတယ်။

ထုတ်ပြန်ချက်မှာ အိန္ဒိယနိုင်ငံ ရှေးဟောင်းသုတေသနဌာန (ASI)မှ ဓာတုဗေဒ ထိန်းသိမ်းရေးနှင့် ကြံ့ခိုင်ရေးဆိုင်ရာ ပြုပြင် ထိန်းသိမ်းရေး ကျွမ်းကျင်ပညာရှင်တွေဟာ ပုဂံရှိ ထင်ရှားကျော်ကြားသော အာနန္ဒာဘုရားကြီးရဲ့ ပြုပြင် ထိန်းသိမ်းရေးလုပ်ငန်းအပါအဝင် ပုဂံပြန်လည်ထူထောင်ရေးစီမံကိန်းရဲ့ ပထမအဆင့် စီမံကိန်းအောက်ရှိ ရှေးဟောင်းအဆောက်အအုံ၊ ဘုရား၊ စေတီ ၁၁ ဆူတို့ကို ထိန်းသိမ်း ပြုပြင်ခဲ့တဲ့ အတွေ့အကြုံများစွာ ရှိပြီးဖြစ်ကြောင်း၊ASI အဖွဲ့ဟာပုဂံရှေးဟောင်း သုတေ သနဦးစီးဌာနနှင့် နီးကပ်စွာ ညှိနှိုင်းဆောင်ရွက်လျက် ဒေသခံ လက်မှုပညာရှင်တွေရဲ့ အကူအညီဖြင့် တည် ဆောက်ပုံ ထိန်းသိမ်းရေးနှင့် ဓာတုဗေဒဆိုင်ရာ ပြုပြင်ထိန်းသိမ်းရေး လုပ်ငန်းများကို ရှေးဟောင်းအဆော က်အအုံ၊ ဘုရား၊ စေတီ ၅၀ ခန့်မှာ ထပ်မံဆောင်ရွက်သွားမှာဖြစ်တယ်လို့ ထုတ်ပြန်ထားပါတယ်။

အိန္ဒိယနိုင်ငံအစိုးရရဲ့ အကူအညီဖြင့် ပုဂံဒေသရှိ ငလျင်ဒဏ်ကြောင့် ပျက်စီးခဲ့သော ရှေးဟောင်း အဆောက် အအုံ၊ ဘုရား၊ စေတီ ၇၂ ဆူ ထိန်းသိမ်း ကာကွယ်စောင့် ရှောက်မှုဆိုင်ရာ နားလည်မှုသဝဏ်လွှာ (MoU) ကို ၂၀၁၈ ခုနှစ် မေ ၁၁ ရက်က နေပြည်တော်မှာ လက်မှတ်ရေးထိုးခဲ့ပြီး အခုလို အကောင်အထည်ဖော်ဆောင်ရွက်နေတာဖြစ်တယ်လို့ သိရပါတယ်။

#Mercury#mercurynews#ပြည်တွင်းသတင်း#ပုဂံ#မြန်မာနိုင်ငံ