Cracker Barrel စားသောက်ဆိုင်လုပ်ငန်း လိုဂိုအသစ်ပြောင်းပြီးနောက် ရှယ်ယာကျဆင်း၊ထရမ့်ပါဝင်ပြောလို့မူလလိုဂိုပြန်ပြောင်းလိုက်ရ

မကြာသေးမီက ခရက်ကာ ဘယ်ရယ် (Cracker Barrel) စားသောက်ဆိုင်လုပ်ငန်းဟာ သူတို့ရဲ့လုပ်ငန်းပုံရိပ်ကို ခေတ်မီဆန်းသစ်ဖို့နဲ့ လူငယ်အသိုင်းအဝိုင်းကို ပိုမိုဆွဲဆောင်နိုင်ဖို့အတွက် ရိုးရှင်းတဲ့ လိုဂိုအသစ်တစ်ခုကို မိတ်ဆက်ခဲ့တယ်လို့ CNN သတင်းဌာနရဲ့ဖော်ပြချက်အရသိရပါတယ်။

ဒီလိုဂိုအသစ်ဟာ ခုံတန်းတစ်ခုမှာမှီပြီး ဝါးလုံးထိုးနေတဲ့ “Old Timer” လို့ လူသိများတဲ့ “ဦးလေးဟားရှယ်” (Uncle Herschel) ရဲ့ ပုံကို ဖယ်ရှားပြီး စာသားသက်သက်ပဲထားရှိခဲ့တာပါ။

အဲဒီလိုပြောင်းပြီးနောက် ဖောက်သည်တွေနဲ့ ထင်ရှားတဲ့ လူပုဂ္ဂိုလ်တွေဆီကနေ တစ်ပတ်ကြာဝေဖန်မှုတွေ ပြင်းပြင်းထန်ထန်ခံရပြီးနောက် မူလလိုဂိုပုံစံဟောင်းကို ပြန်လည်အသုံးပြုမယ်လို့ ကြေညာလိုက်ပါတယ်။

ဒီလိုလိုဂိုအပြောင်းအလဲအပေါ် အင်တာနက်ပေါ်မှာ ချက်ချင်းဆိုသလို ဝေဖန်မှုတွေ ပြင်းထန်စွာဖြစ်ပေါ်ခဲ့ပြီး ဝေဖန်သူအများစုက ဒီလုပ်ရပ်ကို ရိုးရာပုံစံကို ဖယ်ရှားပြီး ခေတ်မီအောင်လုပ်တဲ့အတွက်(woke) လို့ ပြောဆိုကာ ကုမ္ပဏီကို သပိတ်မှောက်ဖို့အထိ တောင်းဆိုခဲ့ကြပါတယ်။

ဒါ့အပြင် သမ္မတ ဒေါ်နယ်ထရမ့်ကလည်း ဒီကိစ္စကို ဝင်ရောက်ပြောဆိုခဲ့ပြီး ကုမ္ပဏီကို သူတို့ရဲ့ဆုံးဖြတ်ချက်ကို ပြန်လည်ပြင်ဆင်ဖို့ တိုက်တွန်းခဲ့ပါတယ်။

ဒီလို ပြင်းထန်တဲ့ ဖိအားတွေနဲ့ စတော့ရှယ်ယာဈေးကျဆင်းမှုတွေ ဖြစ်ပေါ်ခဲ့ပြီးနောက် ခရက်ကာ ဘယ်ရယ် (Cracker Barrel) က ဖောက်သည်တွေကို ကျေးဇူးတင်ကြောင်းနဲ့ လိုဂိုအသစ်ကို ဖယ်ရှားပြီး မူလလိုဂိုဟောင်းကိုပဲ ပြန်လည်အသုံးပြုသွားမှာဖြစ်ကြောင်း သူတို့ရဲ့ဝက်ဘ်ဆိုက်မှာ ကြေညာချက်ထုတ်ပြန်ခဲ့တယ်လို့ သိရပါတယ်။

#mercury#mercurynews#နိုင်ငံတကာသတင်း#စီးပွားရေး