KK Park မှ ထွက်ပြေးလာသည့် နိုင်ငံခြားသား ၃၉ ဦးကို ထိုင်းအထူးတပ်ဖွဲ့ ဖမ်းဆီးရမိ

၂၀၂၅၊နိုဝင်ဘာလ၊၂၀ရက်

ကေကေပါ့ခ် (KK Park) အခြေစိုက် ဆိုင်ဘာလိမ်လည်မှုစခန်းများကို နှိမ်နင်းမှုများ ပြုလုပ်ပြီးနောက် ထိုင်းနိုင်ငံတွင်းကို တရားမဝင် ဝင်ရောက်လာတဲ့ နိုင်ငံခြားသား ၃၉ ဦးကို ထိုင်းအထူးတပ်ဖွဲ့က တာ့ခ်ခရိုင်၊ မဲဆောက်မြို့နယ်၊ Mae Tao ရွာရှိ လယ်ကွင်းများမှာ နိုဝင်ဘာ ၁၉ ရက်က တွေ့ရှိ ဖမ်းဆီးရမိခဲ့ကြောင်း The Reporters သတင်းဌာနက ဖော်ပြပါတယ်။

ဖမ်းဆီးရမိသူ စုစုပေါင်း ၃၉ ဦးမှာ အမျိုးသား ၃၄ ဦးနဲ့ အမျိုးသမီး ၅ ဦး ပါဝင်ပြီး၊ နိုင်ငံပေါင်း ၁၂ နိုင်ငံမှ လာရောက်ကြသူများ ဖြစ်ကြပါတယ်။

ဖမ်းဆီးရမိသူများက KK Park မှာ နှိမ်နင်းမှုများ ပြုလုပ်ပြီးနောက် ထွက်ပြေးတိမ်းရှောင်လာခြင်းဖြစ်တယ်လို့ ဝန်ခံခဲ့ကြပါတယ်။

ဖမ်းဆီးရမိသူ နိုင်ငံခြားသားအများစုက သူတို့ကို ထိုင်းနိုင်ငံကို အလုပ်လာလုပ်ရန်အတွက် ကြော်ငြာများဖြင့် ကမ်းလှမ်းခံခဲ့ရကြောင်း၊ဘန်ကောက်ကို ရောက်ရှိပြီးနောက် မဲဆောက်မြို့နယ်ဆီ ခေါ်ဆောင်ကာ၊ နယ်စပ်ဖြတ်ကျော်လမ်းများမှတစ်ဆင့် မြန်မာနိုင်ငံကို အတင်းအကျပ် ခေါ်ဆောင်ခြင်း၊ နိုင်ငံကူးလက်မှတ် (ပတ်စ်ပို့) များကို သိမ်းယူခြင်းနှင့် အလုပ်လုပ်ရန် ဖိအားပေးခြင်း များ ခံခဲ့ရကြောင်း ထုတ်ပြောထားကြပါတယ်။

ထိုင်းတာဝန်ရှိသူများက ဖမ်းဆီးရမိသူအားလုံးကို တာ့ခ်ခရိုင်၊ မဲဆောက်မြို့နယ် လူဝင်မှုကြီးကြပ်ရေး ရဲတပ်ဖွဲ့ထံ လွှဲပြောင်းပေးခဲ့ပြီး ဥပဒေနှင့်အညီ ဆက်လက် စစ်ဆေးဆောင်ရွက်သွားမှာဖြစ်ကြောင်း သိရပါတယ်။

#mercury#mercurynews#မြန်မာ#ကျားဖြန့်#KKparks#ထိုင်း