Sky Villa အဆောက်အဦးမှ ရုပ်အလောင်း၃လောင်း ထပ်မံတွေ့ရှိ

၂၀၂၅၊မေလ၊၂၇ရက်

ငလျင်ဒဏ်ကြောင့် ထိခိုက်ပျက်စီးမှု များခဲ့တဲ့ မန္တလေး Sky Villa အဆောက်အဦးကနေ ယနေ့ မေလ၂၇ရက်နေ့မှာ ရုပ်အလောင်း ၃လောင်းထပ်မံ တွေ့ရှိခဲ့တယ်လို့ မီးသတ်ဦးစီးဌာနက သတင်းထုတ်ပြန်ပါတယ်။

Sky Villa အဆောက်အဦးရဲ့ (B) အဆောင်ကို မြန်မာနိုင်ငံမီးသတ်တပ်ဖွဲ့နဲ့ ကပ်ဆယ်ရေး အဖွဲ့ တွေက ဖယ်ရှားရှင်းလင်းခြင်းနဲ့ ရုပ်အလောင်းထုတ်ယူတာတွေလုပ်ကြရာ အခန်းအမှတ် J 4မှ အမျိုးသမီး ရုပ်အလောင်း ၃လောင်း တွေ့ရှိခဲ့တယ်လို့ သိရပါတယ်။

မန္တလေးမြို့ Sky Villa အဆောက်အဦးဟာ ငလျင်ဒဏ်ကြောင့် ထိခိုက်ပျက်စီးခဲ့တဲ့ အဆောက်အဦးတွေထဲမှာ ပျက်စီးဆုံးရှုံးမှု အများဆုံးနဲ့ လူအ‌ေ-သအပျောက် အများဆုံး အဆောက်အဦးတစ်ခု ဖြစ်ပါတယ်။

ဓါတ်ပုံ-မြန်မာနိုင်ငံ မီးသတ်တပ်ဖွဲ့

#mercury#mercurynews#မြန်မာ#ငလျင်#ပြည်တွင်းသတင်း