အပူပိုင်းမုန်တိုင်း “နောင်ဖ” ၏အရှိန်ကြောင့် မိုးသက်လေပြင်းတိုက်ပြီးမိုးသည်းထန်မည်

အပူပိုင်းမုန်တိုင်း “နောင်ဖ” ရဲ့ အရှိန်ကြောင့် ကမ်းရိုးတန်းဒေသတွေအပါအဝင် ဒေသ တော်တော်များများမှာ မိုးသက်လေပြင်းတိုက်နိုင်ပြီး မိုးသည်းနိုင်တယ်လို့ သိရပါတယ်။

သြဂုတ်လ(၃၁)ရက်မှစက်တင်ဘာလ(၃)ရက်အတွင်း နေပြည်တော်၊ ရန်ကုန်တိုင်း၊ မန္တလေးတိုင်း ၊ ပဲခူးတိုင်း ၊ မကွေးတိုင်း ၊ စစ်ကိုင်းတိုင်း ၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့မှာ နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ နေပြည်တော်၊ ရန်ကုန်တိုင်း ၊ ပဲခူးတိုင်း၊ မကွေးတိုင်း၊ တနင်္သာရီတိုင်း၊ ကယားပြည်နယ်၊ ကရင်ပြည်နယ်နဲ့မွန်ပြည်နယ်တို့မှာ နေရာကွက်ပြီး မိုးကြီးနိုင်တယ်လို့ဆိုပါတယ်။

မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နဲ့ ကမ်းလွန် ပင်လယ် ပြင်တို့မှာ ရံဖန်ရံခါ မိုးသက်လေပြင်းတွေကျရောက်ပြီး လှိုင်းကြီးနိုင်တယ်လို့ သိရပါတယ်။

#mercury#mercurynews#အပူချိန်#မြန်မာ#ပြည်တွင်းသတင်း